Segundo
o artigo 137 da Constitución española de 1978, o Estado español se organiza
territorialmente en municipios, provincias e Comunidades Autónomas. Unha delas
é a Cataluña.
O
presidente da Generalitat, Artur Mas, asinou o pasado sábado 27 de setembro, o
decreto de convocatoria da consulta de autodeterminación de Cataluña. O
referendo para coñecer a opinión da cidadanía catalá sobre o seu futuro
político e a súa relación con España terá lugar o próximo 9 de novembro. A
sinatura do decreto realizouse en presenza dos representantes dos grupos políticos
que apoian este proceso.
O
presidente da Generalitat no seu discurso salientou que “existe unha maioría
social e consenso político, que recoñece a Cataluña como nación e unidade
política na diversidade ideolóxica, que serviu para pactar a data, pregunta e
os marcos legais necesarios”.
A
convocatoria do referendo faise de acordo coa lei de consultas aprobada polo
parlamento catalán.
Está
previsto que en breve o goberno central impugne esta consulta no Tribunal
Constitucional, facendo así que sexa anulada, amparándose no título preliminar
da constitución, no que se recolle que a soberanía nacional reside no pobo
español.
Se
o executivo de Artur Mas levase todo este proceso ata o final, o goberno
español, de acordo co artigo 155 do título VIII (organización territorial do
Estado), podería adoptar as medidas necesarias para obrigar a Cataluña ao
cumprimento forzoso das leis vixentes en todo o Estado, e facer cumprir as
obrigas que a Constitución ou outras leis impoñan. Incluso, isto podería levar
á suspensión da autonomía catalá.
Luzía Pardo Abuín
Fonte: elpais.com (27.09.2014)
