Máis sobre a referendo de Cataluña

O Tribunal constitucional suspendeu o luns 29 de setembro de 2014 a consulta soberanista en Cataluña. O goberno español presentou diante do Tribunal Constitucional recursos contra a lei de consultas aprobada polo Parlamento catalán e a convocatoria da consulta feita polo presidente da Generalitat para o próximo 9 de novembro.

A suspensión prodúcese de maneira automática, como está establecido cando é o Goberno o que presenta os recursos de inconstitucionalidade e o solicita de forma expresa. A interposición foi anunciada polo propio presidente do Goberno, Mariano Rajoy. Nunha rolda de prensa afirmou: “Estamos a tempo de poder enderezar o rumbo”. Tamén afirmou que a súa postura ante esta iniciativa sempre foi “aberta, clara e firme” e estivo “disposto a negociar”. Afirmou tamén que “hoxe cumprimos coa nosa obriga de interpor un recurso contra unha decisión que atenta gravemente contra os dereitos dos españois”. Por outra banda, sinalou que a consulta é “contraria á nosa Constitución”, porque “a soberanía nacional reside no pobo español no seu conxunto, e unha parte non pode tomar decisións que afectan a todos, como indica o título preliminar da Constitución.

Pola contra, o presidente da Generalitat calificou de “hostil” a actitude do goberno español ao recurrir a convocatoria da consulta soberanista e a lei na que se ampara. Tamén criticou que o presidente do Tribunal Constitucional reúna o organismo a unha “velocidade supersónica” para frealas.

Na opinión de Artur Mas, nun Estado de “convicción democrática plena” nestes momentos xa se estaría a debatir entre se hai que votar si ou non na consulta, e afirmou que non se trata dun referendo encuberto, como afirma o Goberno de Madrid, ao que acusou de “non preguntar nin deixar preguntar”.

A Lei Orgánica do Tribunal Constitucional impón que éste debe decidir se prolonga a suspensión temporal antes de que pase un prazo de cinco meses ou que se levante esta suspensión, tal como solicitou o conseller portavoz do goberno catalán. Para Francesc Homs “o proceso continúa”, aínda que a Generalitat suspendeu de forma cautelar e temporal a campaña para a consulta.

Fonte: antena3.com/noticias/

Luzia Pardo Abuín

Se queres ver o vídeo da noticia pincha aquí.