Polución, por Luzía Pardo Abuín

O venres 9 de xaneiro de 2015, o Departamento de Territorio e Sustentabilidade da Generalitat de Catalunya activou o protocolo de contaminación atmosférica por razóns medioambientais durante toda a fin de semana en corenta municipios da área metropolitana de Barcelona. Esta medida medioambiental foi tomada debido á persistencia dun anticiclón que dificulta a dispersión dos óxidos de nitróxeno na atmosfera.

O máximo responsable da contaminación no aire é o uso do vehículo privado, por iso, o Goberno catalán recomendou realizar unicamente os desprazamentos necesarios e utilizar o transporte público.  Ademais das recomendacións para tentar reducir o tráfico, o Goberno catalán limitou a 90 kilómetros por hora a velocidade máxima nas vías rápidas da área metropolitana.

A Generalitat aínda non aprobou medidas para restrinxir o volume de coches por km² que circulan por Barcelona, pero o novo plan para a mellora da calidade do aire, aprobado en setembro de 2014, contempla incentivos para fomentar o uso do transporte público.

A Generalitat tamén deu unha serie de recomendacións de "autoprotección" para a cidadanía para evitar os efectos da contaminación: estar o mínimo tempo ao aire libre, non realizar actividades físicas en espazos ao aire libre, etc.

Pola contra, a oposición a CiU (Convergència i Unió), partido gobernante, así como grupos ecoloxistas, cargaron contra o protocolo de contaminación. Dende ICV (Iniciativa per Catalunya Verds) pediron que o transporte público sexa gratuito nos días de polución. Mentres que Ecoloxistas en Acción acusaron ao protocolo de "operación de maquillaxe" para eludir a súa responsabilidade polo incumprimento dos límites de contaminación fixados pola Unión Europea.

Fotografúia da cidade de Barcelona

Tamén, o pasado xoves 5 de febreiro, puidemos observar como outras cidades españolas, como Madrid, endureceron as restricións de tráfico en días de alta contaminación.

O Concello de Madrid, gobernado polo Partido Popular, anunciou que entrará en vigor o protocolo para episodios de alta contaminación o 1 de marzo. Con este protocolo, as medidas a tomar serían: o primeiro día con situación de preaviso non se tomará ningunha medida. O segundo día con preaviso ou o primeiro con aviso, informarase á cidadanía, con recomendacións para a saúde (non realizar actividades físicas ao aire libre), e se limitará a velocidade na M-30 e nas autovías de aceso a 70 km/h como máximo. O terceiro día con preaviso ou o segundo con aviso, prohibirase ademais estacionar dentro da área regulada con parquímetros aos coches que non sexan dos veciños do barrio. O terceiro día de aviso, restrinxirase a circulación pola améndoa central á metade de vehículos (segundo se a matrícula é par ou impar) e aos taxis baleiros. Ademais, en caso de alerta, esta prohibición extenderase á M-30.

Como conclusión, estas medidas son acertadas, xa que este tipo de campás de contaminación urbana, formadas no inverno e con situación anticiclónica, provocan enfermedades respiratorias e cardiacas nas persoas. 

Fotogafía da cidade de Madrid

Fontes:http://ccaa.elpais.com/ccaa/catalunya.html  http://ccaa.elpais.com/ccaa/2015/02/05/madrid/1423145944_112132.html